Wednesday, June 20, 2012

ആദ്യരാത്രി റീ ലോടെഡ്



(പണ്ടൊരു ആദ്യരാത്രി  എഴുതി ,അത് വായിച്ചു നെറ്റി ച്ചുളിച്ചവര്‍ക്കായി 
ഒരു ടെസ്റ്റ്‌ ഡോസ് കൂടി ..)

പഴമയുടെ ആഡംബരത്തില്‍ തല ഉയര്‍ത്തി നില്‍ക്കുന്ന
ചക്കുന്നേല്‍ കോവിലകം .
നിശയുടെ കറുപ്പിനെ വെല്ലികൊണ്ട് കോവിലകം
പ്രകാശപ്രഭയില്‍ കുളിച്ചു നില്‍ക്കുകയാണ് ..,
കുടുംബ ക്ഷേത്രത്തില്‍ ഉത്സവമൊന്നുമില്ല..,
പിന്നെ എന്താണ് കോവിലകത്തു ഒരു ഉത്സവ പ്രതീതി .
കോവിലകത്തെ സ്വത്തുക്കള്‍ക്കെല്ലാം അവകാശിയായ
മനു രാജിന്റെ  വിവാഹം ആയിരുന്നു ഇന്ന് ..,
വര്‍ഷങ്ങളായി വിവാഹം വേണ്ടെന്നു പറഞ്ഞു
ദേവകിയമ്മയുടെ മനസ്സ്  വേദനിപ്പിച്ച പുന്നാരമോന്‍
 അവസാനം തീരുമാനം  മാറ്റി
അങ്ങനെ ചക്കുന്നേല്‍ ചില  നാളുകള്‍ക്കു ശേഷം 
സന്തോഷത്തിനെ കാറ്റ് വീശുകയാണ് ..,
ആ  കാറ്റിന്റെ കുളിര്‍മയേറ്റ്
 മനുരജും അഞ്ജലിയും ഇന്ന് ആദ്യരാത്രി
ആഘോഷിക്കാന്‍ പോകുകയാണ് .
തടിയില്‍ തീര്‍ത്ത പടികള്‍ വളരെ സൂക്ഷിച്ചാണ്
അഞ്ജലി  കയറിയത് ..,ഒരു കൈയ്യില്‍ പാല്ഗ്ലാസ്
മറു കൈ കൊണ്ട് സെറ്റ് സാരിയുടെ തലപ്പ്‌  ചെറുതായി പോക്കിപിടിച്ച്ചുകൊണ്ട് അവള്‍ മുകളിലെ നിലയില്‍ എത്തി ..,
ഓടു കൊണ്ട് മേഞ്ഞ വലിയ രണ്ടു നില കോവിലകം ആണ് ..,
മുകളിലെ നില മനുവിന്റെ സാമ്രാജ്യം ആണ് ..,
അവിടേക്ക് ആ കൂട്ടുകുടുംബത്തിലെ കുട്ടി
പട്ടാളത്തിനൊന്നും   പ്രവേശനമില്ല
മനുവിന്റെ മുറിയിലേക്ക് നീണ്ടുകിടക്കുന്ന വരാന്തയിലൂടെ
 അവള്‍ നടന്നു .
മുറിക്കകത്ത് അഞ്ജുവിനെ പ്രതീക്ഷിച്ചുകൊണ്ട് മനു രാജ് .
കൊണ്ടുവന്ന പാല്‍ ഗ്ലാസ്‌ അഞ്ചു മനുവിന് നേരെ നീട്ടി .
അവന്‍ അത് വാങ്ങിച്ചു മേശ പുറത്തു വെച്ചു .
''അഞ്ജുവിന് എന്നോട് ദേഷ്യം ഉണ്ടോ ''
മനുവിന്റെ ആദ്യചോദ്യം.
അവള്‍ മിണ്ടിയില്ല .
''വാ നമുക്ക് ഇരുന്നു സംസാരിക്കാം ''
പുഷ്പങ്ങളാല്‍ അലംകൃതമായ കട്ടിലില്‍ അവന്‍ ഇരുന്നു.,
പക്ഷെ അഞ്ജു ഇരുന്നില്ല.
തടികൊണ്ട് തീര്‍ത്ത തൂണില്‍ ചാരി അവള്‍ നിന്നു.
''എനിക്കറിയാം അഞ്ജുവിന് എന്നോട് ദേഷ്യമാണെന്നു ..,
ഞാന്‍ ചെയ്ത തെറ്റിന് പ്രായശ്ചിത്തമാണ് ഈ വിവാഹം ..''
മനുവിന്റെ ശബ്ദം ഇടറി .
''നമ്മുടെ കോളേജ് ലൈഫില്‍ നമ്മള്‍  രണ്ടു പേരും 
എത്ര ഹാപ്പി ആയിരുന്നു ..,
ഒരിക്കല്‍ പോലും നിന്റെ മുഖം വാടി ഞാന്‍ കണ്ടിട്ടില്ല ..,
അത്രയും പ്രസന്നവതി ആയിരുന്ന നീ ഇപ്പോള്‍ എന്റെ മുന്‍പില്‍ ഇങ്ങനെ നില്‍ക്കുന്നത് കാണുമ്പോള്‍ എനിക്ക് എന്ത് പറയണം എന്നറിയില്ല ..,പക്ഷെ അന്നും ഇന്നും നിന്നെ ഞാന്‍ ഒരുപാട് സ്നേഹിക്കുന്നു ..,നിനക്ക് എന്നോടുള്ള വികാരത്തിനു
പോറലുകള്‍ സംഭവിച്ചിരിക്കാം ..,അതിനു കാരണം ഞാന്‍ തന്നെയാണ് ..അഞ്ജു നിനക്ക് ഇപ്പോള്‍ എന്നോട് തോന്നുന്നതു എന്താണ് ??
ദേഷ്യമാണോ??അതോ വെറുപ്പാണോ??
നീ എന്തെങ്കിലും ഒന്ന് പറ ..''
അഞ്ജു ഇപ്പോയും ഒന്നും മിണ്ടിയില്ല ..,
അവളുടെ മുഖത്തു മിന്നിമറയുന്ന ഭാവങ്ങള്‍ വായിച്ചെടുക്കാന്‍
മനു വളരെ പ്രയാസപ്പെട്ടു .
''എന്റെ ഫ്രണ്ട്സ് എന്നും പറയുമായിരുന്നു നിന്നോടുള്ള
ഇഷ്ട്ടം തുറന്നു പറയാന്‍ ..,അങ്ങനെയിരിക്കെ  ഒരു ദിവസം  അപ്രതീക്ഷിതമായി 
എന്റെ മുറിയിലേക്ക് കടന്നുവന്ന  നിന്റെ വിഷമങ്ങള്‍ കേട്ടിട്ടും
നിന്റെ സംരക്ഷകന്‍ ആകേണ്ടിയിരുന്ന ഞാന്‍ എന്റെ നില മറന്നു ..,മദ്യത്തിന്റെ ലഹരിയില്‍ ആയിരുന്ന ഞാന്‍ നിന്റെ സ്വപ്‌നങ്ങള്‍ എല്ലാം നിമിഷങ്ങള്‍ക്കൊണ്ട് തകര്‍ത്തു കളഞ്ഞു ..,
ഒരു പെണ്‍കുട്ടിക്ക് ഒരിക്കലും പൊറുക്കുവാന്‍ കഴിയാത്ത
തെറ്റാണ് ഞാന്‍ നിന്നോട് ചെയ്തത്..,,
നമ്മുടെ സൌഹൃദത്തെ  വിശ്വസിച്ചു  ആപത്ത് ഘട്ടത്തില്‍
 എന്റെ മുറിയില്‍ അഭയം തേടി  വന്ന
നീ എന്ത് തെറ്റാണ് ചെയ്തത്??
നിന്റെ എതിര്‍പ്പുകളെ വക വെയ്ക്കാതെ നിന്നെ കീഴ്പ്പെടുത്തിയ സന്തോഷമായിരുന്നു എനിക്ക് അന്ന് ..,
ഒടുവില്‍ ഒരു വാക്ക് പോലും മിണ്ടാതെ നീ ഇറങ്ങിപോയപ്പോള്‍ പോലും ഞാന്‍ ചെയ്ത തെറ്റിന്റെ കാഠിന്യം എനിക്ക് മനസ്സിലായിരുന്നില്ല ..പക്ഷെ പിന്നീടുള്ള ഒരു ദിവസം
പോലും ഞാന്‍ സമാധാനത്തോടെ ഉറങ്ങിയിട്ടില്ല ..
നിന്നെ തേടി ഞാന്‍ കുറെ നടന്നു ..,
എന്നാല്‍ നീ എന്റെ ദ്രിഷ്ട്ടിയില്‍ നിന്നും എങ്ങോ പോയ്‌ മറഞ്ഞു ..
നിന്നോട് ക്ഷമ ചോദിക്കാനുള്ള അവസരത്തിന് വേണ്ടിയാണ്
ഞാന്‍ ജീവിച്ചത് ..,വര്‍ഷങ്ങള്‍ക്കു ശേഷം നിന്നെ
 കണ്ടുമുട്ടിയപ്പോള്‍ ആണ് ജീവിക്കണം എന്നുള്ള ആഗ്രഹം
എനിക്ക് തോന്നിത്തുടങ്ങിയത് ..,ആ ജീവിതം നിന്നോടൊപ്പം ആയിരിക്കണമെന്നും ..,എന്നെ പരിഹസിച്ചു പടികടത്തുമെന്ന ഉറപ്പോടെയാണ് നിന്റെയരികില്‍ വിവാഹ
അഭ്യര്തനയുമായി ഞാന്‍ വന്നത് ..,
എന്നാല്‍ എന്റെ പ്രവചനങ്ങളെ കാറ്റില്‍ പറത്തികൊണ്ട് nee
എന്നോടൊപ്പം ജീവിക്കാന്‍ സമ്മതം മൂളി .
ഈ വര്‍ഷങ്ങള്‍ അത്രയും ഞാന്‍ എന്നെ സ്വയം ശിക്ഷിക്കുക ആയിരുന്നു ..,വീട്ടില്‍ നിന്നും പ്രിയപ്പെട്ടവരില്‍ നിന്നും ഒളിച്ചോടി ..,ആരുമില്ലാതവനായി ഒന്നുമില്ലാതവനായി  ജീവിച്ചു ..
പക്ഷെ ഇപ്പോള്‍ എന്റെ ജീവിതത്തിനു അര്‍ത്ഥമുണ്ട് ..
ലക്ഷ്യമുണ്ട് ..,നീ കൂടെ ഉള്ളപ്പോള്‍ ...''
മനുവിന്റെ കണ്ണുകള്‍ നിറഞ്ഞൊഴുകി .
ആ കണ്ണുനീര്‍ കണ്ടതായി പോലും ഭാവിച്ചില്ല അവള്‍.
''അഞ്ജു ,,നിനക്കെന്നെ എങ്ങനെ വേണമെങ്കിലും ശിക്ഷിക്കാം ..,
എന്റെ ജീവിതം ഇനീ നിനക്കുള്ളതാണ് ..,കൊല്ലണമെങ്കില്‍ കൊല്ലാം..പക്ഷെ നിന്റെ മനസ്സില്‍ ഉള്ളത് ഒന്ന് തുറന്നു
പറഞ്ഞു കൂടെ നിനക്ക്..,എന്നോട് ദേഷ്യമാണോ..വെറുപ്പാണോ ..
അതോ നിനക്കെന്നോട് ക്ഷമിക്കാന്‍ കഴിഞ്ഞോ എന്ന് ?''

മനുവിന്റെ ചോദ്യങ്ങള്‍ക്കുള്ള ഉത്തരങ്ങള്‍ എല്ലാം അഞ്ജുവിന്റെ മനസ്സില്‍ ഭദ്രമാണ് ..,അതുകൊണ്ടാണല്ലോ അവള്‍ ഈ
കല്യാണത്തിനു സമ്മതിച്ചത് .
അവള്‍ ഇഷ്ട്ടപെട്ട പുരുഷന്‍ ചതിയന്‍ ആണെന്ന യാദാര്‍ത്ഥ്യം മനസിലാകിയ നിമിഷം ഓടി രക്ഷപ്പെടുവാന്‍ ആ നഗരത്തില്‍ മനുവിന്റെ വാടക കെട്ടിടത്തെക്കാള്‍ സുരക്ഷിതമായ മറ്റൊരു സ്ഥലം ഇല്ലെന്നു കരുതിയ തനിക്കാണ് തെറ്റുപറ്റിയത് .
തന്നെ ചതിച്ച പുരുഷനേക്കാള്‍ ഒട്ടും മോശമല്ല തന്റെ ആത്മാര്‍ത്ഥ സുഹൃത്ത് മനു എന്ന് അവള്‍ അന്ന് മനസ്സിലാക്കി .
എല്ലാ പുരുഷന്മാരും ഒന്ന് തന്നെ എന്ന് വിധി എഴുതാന്‍ അവള്‍ക്കു അധിക  സമയം വേണ്ടി വന്നില്ല ..
ആണ്‍ വര്‍ഗത്തോടുള്ള തീര്‍ത്താല്‍ തീരാത്ത പകയുമായി
അവളും സഞ്ചരിച്ചു ..ആര്‍ക്കും പിടികൊടുക്കാതെ..
അവസാനം മനുവിന്റെ മുന്‍പില്‍ ..
ഇല്ല.. അവള്‍ തോറ്റിട്ടില്ല..
swapna സൌധത്തില്‍ ഇരിക്കുന്ന മനുവിന്റെ വികാരതിളപ്പിനു
മുന്നില്‍ അവള്‍ തോല്‍ക്കില്ല ..
മനുവിനെ വീണ്ടും കണ്ടുമുട്ടിയതിനു ശേഷമുള്ള
ഓരോ നിമിഷവും ഈ ദിവസത്തിനു വേണ്ടിയുള്ള
കാത്തിരിപ്പായിരുന്നു അഞ്ജുവിന്..
തന്നെ നശിപ്പിച്ച പുരുഷനെ തന്റെ കാല്‍ച്ചുവട്ടില്‍
വരുത്തണമെന്ന മോഹം..
അത് സാധിച്ചു ..ഇനീ ആ പുരുഷന്റെ അന്ത്യം ..
അതും തന്റെ കാല്‍ച്ചുവട്ടില്‍ തന്നെ..ഇപ്പോള്‍ ..
ഈ ആദ്യ രാത്രിയില്‍ തന്നെ..
അഞ്ജുവിന്റെ മനസ്സില്‍ പ്രതികാരത്തിന്റെ തീ ആളിക്കത്തി ..
പക്ഷെ അവളുടെ മുഖം പ്രസന്നമായിരുന്നു ..
ആ പ്രസന്നത ഒട്ടും കുറയ്ക്കാതെ അവള്‍ പാല്‍ ഗ്ലാസ്‌
എടുത്തു മനുവിന്റെ നേരെ നീട്ടി..
ആരും അറിയാതെ അവള്‍ അതില്‍ വിഷം കലര്‍ത്തിയിട്ടുണ്ട്‌
എന്ന സത്യം അവള്‍ക്കു മാത്രമറിയാം .
അത് കുടിച്ചു അവന്‍ ഉറങ്ങും..സുഘമായ നിദ്ര ..മരണത്തിലേക്കുള്ള നിദ്ര ..ആ നിദ്രയിലേക്ക് വഴുതി വീഴുമ്പോള്‍ താന്‍ പറയും ..
കൊല്ലുവാന്‍ വേണ്ടി തന്നെയാണ് ഈ അഞ്ജു കൂടെ വന്നതെന്ന്  ..
അവളുടെ മുഖം വിടര്‍ന്നു ..
മനു അവളുടെ മുഘത്ത്‌ നിന്നു കണ്ണെടുക്കാതെ
ആ പാല്ഗ്ലാസ് വാങ്ങി ചുണ്ടോടടുപ്പിച്ചു ...

രചന
സംവിധാനം
നിര്‍മാണം
ബിജു ദേവരാജ്

പെട്ടെന്ന് നിശ്ചലമായ  T V സ്ക്രീനില്‍
മിന്നിത്തിളങ്ങുന്ന അക്ഷരങ്ങള്‍ തെളിഞ്ഞു വന്നു .
പിന്നീട് എന്ത് സംഭവിച്ചു??
പ്രേക്ഷകര്‍ മറക്കാതെ കാണുക..,
'നീലകുറിഞ്ഞി ' അടുത്ത തിങ്കളാഴ്ച
രാത്രി എട്ടു മുപ്പതിന് .

''ഓ..എന്റെ കര്‍ത്താവേ ഒരു ആദ്യരാത്രി ലൈവ് ആയി
കാണാമെന്നു കരുതിയതാ ..നശിപ്പിച്ചു..''
ബ്ലെസ്സിയുടെ വാക്കുകളില്‍ നിരാശ .

''എന്നാലും നിനക്കെന്തു തോന്നുന്നു..മനു ആ പാല്‍ കുടിക്കുമോ??''
റൂം മേറ്റ്‌ പ്രജിതയുടെ ചോദ്യം.

''പിന്നല്ലാതെ ..അവന്‍ കുടിച്ചു..പണ്ടാരടങ്ങും..അവന്‍ അങ്ങനെ
തന്നെ വേണം..ഞാനെങ്ങാനും ആണെങ്കില്‍ അവനെ പണ്ടേ വെട്ടികൊന്നെച്ചു  ..ജയിലില്‍ പോയി ഗോതമ്പുണ്ട  തിന്നേനെ..''

''ആ ..അത് നല്ല ഐഡിയ ആണ്..ഒന്നുമല്ലെങ്കിലും  നിന്റെ
പോണ്ണ തടി കുറഞ്ഞു കിട്ടിയേനെ..''

ഹോസ്റ്റല്‍ മുറിയിലെ അടുത്ത  സഹമുറിയത്തിയും സീരിയലുകളുടെ  ആരാധികയും ആയ ജിഷയുടെ കമന്റ്‌..
''ജിഷമോളെ ..വല്ലാണ്ടങ്ങ് ഊതല്ലേ..''
ബ്ലെസ്സിക്ക് ജിഷയുടെ കമന്റ്‌ അത്രക്കങ്ങു പിടിച്ചില്ല ..,എന്തൊക്കെ ആണെങ്കിലും താന്‍ തടിച്ചി ആണെന്ന് അവള്‍ ഒരിക്കലും സമ്മതിക്കില്ല.
''ഏഷ്യാനെറ്റ്‌ സ്റ്റുഡിയോയിലോട്ടൊന്ന് വിളിച്ചു
ആ ബിജു ദേവരാജിന്റെ നമ്പര്‍ വാങ്ങിക്കമായിരുന്നു ..,
അണ്ണന് ഈ കഥ അല്ലാതെ വേറെ ഒരു കഥയും കിട്ടിയില്ലേ
സീരിയല്‍ ആക്കാന്‍ എന്ന് ചോദിച്ചാല്‍  കൊള്ളാമെന്നുണ്ട് ..''
ആദ്യരാത്രി മിസ്സായതിന്റെ കലിപ്പാണ്‌ ബ്ലെസ്സിക്ക് .

''എനിക്ക് തോന്നുന്നു അവള്‍ അതിനകത്ത് വിഷം കലക്കിയിട്ടില്ലെന്നാണ് ..''
സീരിയല്‍ ആരാധിക ജിഷയുടെ പ്രവചനം .
''പോയി കിടന്നുറങ്ങാന്‍ നോക്ക് ജിഷേ ..
അവളും അവളുടെ ഒരു സീരിയലും..''
ചവിട്ടിതുള്ളി ബ്ലെസ്സി അടുത്ത റൂമിലേക്ക്‌ പോയി.

എന്നാലും അഞ്ജുവിന് എങ്ങനെ ഇങ്ങനെ ചെയ്യാന്‍ തോന്നുന്നു ..?
ഒന്നുമല്ലെങ്കിലും മനു അവളെ ആത്മാര്‍ഥമായി സ്നേഹിച്ചതല്ലേ ..
അവള്‍ക്കു ഒന്ന് ക്ഷമിച്ചു  കൂടെ ..??
ഉറങ്ങാന്‍ കിടക്കുമ്പോഴും ജിഷയുടെ മനസ്സില്‍ ഒരുപാട്
സംശയങ്ങള്‍  ഉണര്‍ന്നു വന്നു ...

15 comments:

  1. സീരിയലീന്ന് രക്ഷപ്പെടാനാണ് ഞാനൊരു ബ്ലോഗ് തുടങ്ങിയത്. പട പേടിച്ച് ബ്ലോഗളത്ത് ചെന്നപ്പം പന്തോം കൊളുത്തി പട. എന്നാ പറയാനാ...നല്ല പുതുമയായിട്ട് കഥ പറഞ്ഞു. റീലോഡഡ് ആണല്ലേ! അതിന്റെ അഹങ്കാരമൊന്നൂല്ലാട്ടോ

    ReplyDelete
    Replies
    1. തന്നെ.. തന്നെ ..എല്ലാരും പറയാറുണ്ട്‌..അഹങ്കാരം ലേശം ഇല്ല്യാന്നു ..
      അജിത്തേ..നന്ദി ഉണ്ട് കേട്ടോ..ഈ വഴി വന്നതിനും കമന്റിയതിനും..

      Delete
  2. ഇതിന്റെ ബാക്കി ഉടനെ വരുമോ?. ഏതായാലും ഇഷ്ടപ്പെട്ടു.

    ReplyDelete
    Replies
    1. അയ്യോ..ബാക്കിയും വേണോ..(വേണ്ട അല്ലെ)
      ഉദയ് പ്രദാ(നല്ല പേര്) നന്ദിയുണ്ട് ട്ടോ..

      Delete
  3. സീരിയലീന്നു രക്ഷപ്പെടാന്‍ നോക്കണ്ട...ഓടിച്ചിട്ടു പിടിച്ചു പിന്നാലെ വരും.

    ReplyDelete
  4. ലീ കുറെ നാളിനു ശേഷം ആണ്.....എന്തായാലും ഈ സ്ത്രീ സീരിയല പരുപാടി ഈ ജന്മം ഓടുന്ഗുമെന്നു തോന്നുന്നില്ല......എന്റെ ഹോസ്റെളിലെ നേര്‍ ചിത്രം .....ആശംസകള്‍

    ReplyDelete
  5. ഹോ സീരിയല്‍ കഥയായിരുന്നോ... ഉദ്യോഗ ജനകമായി അവതരിപ്പിച്ച്‌ മനുഷ്യനെ എടങ്ങാറാക്കീല്ലോ.... എന്തായാലും എന്താകുമെന്ന് പറയാതെ പകുതി വെച്ച്‌ നിറുത്തിയത്‌ തെറ്റായിപ്പോയി.... സത്യത്തില്‍ പാലില്‍ വിഷമുണ്ടോ , അവന്‍ മരിക്കുമോ, അവള്‍ ജയിലിലേക്ക്‌ പോകുമോ.. തുടങ്ങിയ ഉത്തരങ്ങള്‍ക്ക്‌ വേണ്‌ടി ഞാനും കാത്തിരിക്കുന്നു,.... ആശംസകള്‍ :))

    ReplyDelete
    Replies
    1. ആശംസകള്‍..... ബ്ലോഗില്‍ പുതിയ പോസ്റ്റ്‌...... പ്രിത്വിരാജ് സിംഹാസ്സനത്തില്‍, മുല്ല മൊട്ടും മുന്തിരി ചാറുമായി ഇന്ദ്രജിത്ത്....... വായിക്കണേ............

      Delete
  6. Hi Liya... Aadyarathri reloaded... peru pole thane vathyasthamayirikunu kadhayum... aasamsakal...

    ReplyDelete
  7. വളരെ മനോഹരം. എഴുത്ത് തുടരുക

    ReplyDelete

എന്തേലും പറഞ്ഞിട്ട് പോകൂന്നേ(എനിക്ക് സന്തോഷായാലൊ..?)